PEURATEB ANUEK

PEURATEB ANUEK - HIKAYAT ACEH


Lailahaillah,………………………

Kalimamah taibah tabaca sabee,
Ham ek takhuen deugoen lidah,
Allah allah ingat lam hate,

Oh watee sukreut ta woe bak allah,
Syuruga teuhah oeh uroe page,
Oh teusuet nyawoeng baca kalimah,
 Syuruga indah kalhueh meu ukee,

Wahee adoe,aduen poma dan ayah,
Peulara lidah beugoet ta jaga,
Hoe yang tajak beuna ba babah,
Allah allah tabaca sabee,

 Lailahaillah………………………..

Kalimah taibah wajeb na sabee,
Oeh takeurija rasueki mudah,
Lamlindoeng allah geutanyoe sabee,
Keu cut kak loen wahee meutuah,

Sinyak tapapah ta ayoen sabee,
Sinyak lam ayoen teugeut beu bagah,
Ngeon kalimah allah poma puelale hate,
Irama music nyan hana suwah,

Geuluyueng beukah teugeut jih hana lee,
Kaset dvd tawiet beu patah,
Rusak aqidah nyan sinyak boh hate,

Lailahaillah………………………

Hak ek tabalah nyan jasa poma,
Geutanyoe geu ayoen ngoen kalimah allah,
Dak lam ija beukah nyaman buken lee,
Aneuk miet cutcut ta peuturi allah,

Ta didek beupah wahee syedara,
Seubab aneuk miet tamse puteh keureutah,
Kiban ta tuleh kisah meunan tabaca,
Luepie lam hate narit bak babah,

Ngoen kalimah allah mangat bak puyueng,.
Ngeon cahya mata ta pandang indah,
Hatee han gundah allah peulara.

 Lailahaillah…………………………

Rayeuk beubagah hai bijeh bangsa,
Tuntut ieleume beuna faedah,
Agama alllah beu tapeumeurdeka.
Oh rayeuk gata hai nyak meutuah,

Beudoeh beubagah jak bela bangsa,
Geutanyeo aceh seuramoe meukah.
Nangroe meutuah keunuebah ulama.

Laillahaillah………………………

Bangsawan ceudah keubit mulia,
Beudaoh tajunjoeng agama allah,
Meunan amanah bak nabi tanyoe,

Lailahaillah…………………………..

Hana dua allah ciet sidroe saja,
Muhammadarrasulluh, Utusan allah yang akhe masa,,
Hajat lam hate uloen neuk tamah,
Teuma meutuah malam ka jula,

Muekakeuh ehnoe keunarang loen singgah,
Loen lake meuah that brat kureung sempurna…..