NARIT PEU INGAT MATEE

 Malam Jum’at Ulama Peugah
Woe Aruah Urumoh Tangga
 Jak Saweu Aneuk Yang Na Neukeubah
 Lake Seudeukah Meusikrek Do”a……… 2x
 Geudoeng Bak Pinto Jareo Meulayang
Arwah Masa Nyan Geuro Ie Mata
 Geuingat Aneuk Mantoeng Di alam
Yue Tuloeng Ngob nyan Ngoen Do”a-Do”a…….2x
Bajee Ngoen Ija Tinggai Keunangan
Pat Tanyoe Pandang Oh MeucHen Mata.
 Tinggai Bak Lawah Ngoen Batee Nisan
 Jroeh Bak Kuburan Manggat Ta Tanda……..2 x
 Makanan Mangat Tanlee Neupesan
Tanlee Neusayang Rumoh Yang Raya
Yang Na Neuharap Nibak Masa Nyan Do”a
 Bak Tuhan Ngoen hate Ridha……….2 x
Ureueng Yang Tanlee LOen Boh Tamselan
 Ibarat Karam Lam Laot Raya Meuapoeng2 Dalam Geulombang
Seubab Laot Nyan Binteh Jieh Hana……2x
 Tanyoe Yang Tinggai Taci Tabayang
 Keu Ureung Yang Ka Dalam Keurunda
Geutanyoe Mangat Ta eh Bak Tilam
 Tapi Di goeb nyan Lam Supot Buta…………2 x
 Masa Lam Donya Mangat That Ta Eh
 Bantai Meutindeh Ngeon Sipree Sutra
Oh Watee Matee Lam Kubu Ta eh Tanoeh
 Keu Binteh Bubong KuRun Tenda…… 2 x
 Oleh Seubab Nyan Wahee Eu Rakan
 Oh Lheuh Seubahnyang Ta Kirem Do”a
Tanyoe Meulake Bak Sidroe Tuhan
Supaya Gob Nyan Beu Meubahgia……..2 x